د غزني د تخنیکي آمریت له ادارې او مدیریت زدهکړهییز پروګرام څخه د لسګونو مجاهدینو فراغت
د مجاهدینو لپاره د تخنیکي او مسلکي زدهکړو ادارې د تعلیمي پروګرام له مخې، شاوخوا ۲۰۰ تنه مجاهدینو د غزني د تخنیکي او مسلکي زدهکړو آمریت له ادارې او مدیریت زدهکړهییز پروګرام څخه د فراغت اسناد تر لاسه کړل.
د غزني ولایت د مجاهدینو د فراغت په مراسمو کې، د تخنیکي او مسلکي چارو مرستیال مولوي غلام سعید احساس او ترڅنګ یې، د یاد ولایت یو شمېر محلي مسؤلینو هم ګډون او ویناوې وکړې.
محترم مولوي غلام سعید احساس د مجاهدینو فراغت د افغانستان.ا.ا لپاره یو مهمه لاستهراوړنه وبلله.
نوموړي ټینګار وکړ، چې مجاهدینو دا مهال د اداري چارو د پرمخ بېولو لپاره اړینې وړتیاوې ترلاسه کړې دي.
په همدې حال کې، د غزني ولایت محلي مسؤلینو په خپلو ویناوو کې وویل، چې د تخنیکي او مسلکي زدهکړو ادارې لخوا مجاهدینو ته د زدهکړو د زمینې برابرول د ستاینې وړ دي.
هغوی زیاته کړه، چې د مخلصو او ژمنو مجاهدینو ګومارنه د اسلامي نظام د پرمختګ او بقا لپاره خورا مهمه ده او باید دې برخې ته جدي پاملرنه وشي.
دې ته ورته نور اړوند موضوعات هم په دې پروګرام کې د ویناوالو لخوا مطرح شول او مجلس فارغانو ته د تصدیقنامو په وېشلو سره پای ته ورسېد.
