د مولوي غلام حیدر شهامت د پوهنې وزارت د رئیسانو په ورکشاپ کې وینا وکړه
د تخنیکي او مسلکي زده کړو ادارې سرپرست ښاغلي مولوي غلام حیدر شهامت د "د چارو ښه همغږي او د تجربو شریکولو" په ورکشاپ کې ګډون او وینا وکړه.
د دغه ورکشاپ د جوړیدو موخه د پوهنې وزارت د مرکزي او ولایتي ادارو ترمنځ همغږي یاده شوې دی.
د تخنيکي او مسلکي زده کړو ادارې سرپرست د دغه ورکشاپ د پرانستلو په مراسمو کې د وينا پر مهال د چارواکو ترمنځ همغږي او د تجربو تبادله مهمه وبلله.
په دغې ناسته کې ښاغلي مولوي شهامت د پوهنې وزارت له رئیسانو څخه وغوښتل، چې د چارو د ترسره کولو په برخه کې دې په مسوولانه ډول پاملرنه وکړي او د کارونو په تطبیق کې دې له غفلت څخه ډډه وکړي.
د پوهنې وزارت د "د چارو ښه همغږي او د تجربو شریکولو" ورکشاپ د ریاست الوزرا د اداري مرستیال ښاغلي مولوي عبدالسلام حنفي او د یو شمېر دولتي وزارتونو د وزیرانو په حضور او وینا ترسره شو.
