د سروبي د حوزوي برېښنا تولید له رئیس سره د کابل د تخنیکي آمریت د مسوولینو غونډه
د کابل ولایت د تخنیکي او مسلکي آمریت مسؤلین چې د انرژۍ او اوبو انسټيټوټ له یو شمېر محصلینو سره د نغلو او ماهیپر برېښنا بندونو ته د علمي سفر په موخه تللي وو. دوی همدا راز د سروبي د حوزوي برښنا تولید له رئيس محترم مولوي فضل الرحمن فضلي سره وکتل.
په دې کتنه کې د سروبي د حوزوي برښنا تولید رئیس ژمنه وکړه چې د دغو دوو بریښنا بندونو ټولې اسانتیاوې د محصلینو لپاره موجودې دي او کولای شي د عملي زده کړو لپاره هر وخت د ماهیپر او نغلو بریښنا بندونو ته مراجعه وکړي.
په همدې حال کې استاد رفیع الله حبیبي د سروبي د حوزوي برښنا تولید له رئيس څخه د تخنیکي او مسلکي زده کړو د مرکزونو د محصلینو د ملاتړ له امله قدرداني وکړه.
