د ساختمانی چارو په اړه د لغمان ولایت مرکز اړوند کثیرالرشتوي انسټیټوټ د محصلینو د عملي زده کړو بهیر
د لغمان ولایت د مرکز اړوند کثیرالرشتوي انسټیټوټ د تعمیرات«ساختمان» څانګې محصلینو ته د «ساختمان لیول کولو» په اړه په عملي بڼه روزنه ورکړل شوه.
د دې درسي جلسې په ترڅ کې لارښود استاد نوموړو ته د «ودانیو، سړکونو او هوایی ډګرونو د لیول کولو او همدارنګه د ودانیو د نلدوانۍ» په اړه مفصل توضیحات ورکړل.
دغه راز په دوام کې د لارښود استاد لخوا په دې برخه کې د محصلینو پوښتنو ته ځوابونه وویل.
عملي زده کړې د کارموندنې او له فراغت وروسته د کار بازار ته د محصلینو د جذبولو اساس ګڼل کېږي. له همدې امله د تخنیکي او مسلکي زده کړو ادارې رهبري تل هڅه کوي تر څو د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
