د زده کوونکو او زده کړیالانو چارو رئیس د فراه له والي سره وکتل
د زده کوونکو او زده کړیالانو چارو رئيس مفتي سيد احسان الله د فراه له والي ملا نورمحمد روحاني سره وکتل.
په دې ناسته کې د تخنیکي او مسلکي زده کړو د مرکزونو پر اهمیت خبرې وشوې.
د زده کوونکو او زده کړیالانو چارو رئيس وويل، دا چې د تخنيکي او مسلکي زده کړو مرکزونه ټولنې ته کارپوهان وړاندې کوي، نو په اوسنيو شرايطو کې د یادو مرکزونو پراختيا اړينه ده.
مفتي سيد احسان الله د فراه له والي سره په یاد ولايت کې دمسلکي ښوونځيو او انسټیټونو د ستونزو په اړه هم خبرې وکړې. د فراه والي د تخنیکي او مسلکي زده کړو له مرکزونو سره د همکارۍ ډاډ ورکړ.
