د خوست ولایت د محبوسینو لپاره شپږ میاشتنی لنډمهاله حرفوي روزنیز پروګرام پیل شو
د خوست د تخنیکي او مسلکي زده کړو آمریت لخوا د یاد ولایت په محبس کې د برېښنا انجینرۍ برخې شپږ میاشتنی لنډمهاله حرفوي روزنیز پیل شو.
د دې روزنیز پروګرام د ترسره کېدو موخه د کاري زمینې رامنځته کول، د بې وزلۍ کمول او ټولنې ته د محبوسینو بیا ادغام دي.
د یادونې وړ ده، چې د ښځینه بندیانو لپاره هم د یاد پروګرام د چمتو کولو او پیل چارې روانې دي، ترڅو ښځینه بندیانې هم له مسلکي او حرفوي زده کړو څخه برخمنې شي.
د تخنیکي او مسلکي زده کړو ادارې او د زندانونو چارو د سمون ادارې ترمنځ د ګډو همکاریو د تفاهم لیک پر بنسټ، د تخنیکي او مسلکي زده کړو اداره د محبوسینو لپاره ښوونیز پروګرامونه پیلوي، چې موخه یې د فقر کمول او د محبوسینو لپاره د کاري زمینې برابرول دي.
