د تخنیکي او مسلکي زده کړو ملي ادارې سرپرست ته د ولایتي سفرونو د راپور وړاندې کول
د تخنيکي او مسلکي زده کړو ادارې مالي او اداري مرستيال مفتي فضل الرحمن فاضل د هیواد یو شمیر ولایتونه ته د خپل سفر راپور د يادې ادارې له سرپرست الحاج مولوي غلام حيدر شهامت سره شريک کړ.
مفتي فاضل د یادې ادارې د يوه پلاوي په مشرۍ بغلان، کندز، تخار او بدخشان ولايتونو ته سفر وکړ، څو په يادو ولايتونو کې د تخنیکي او مسلکي زده کړو د مرکزونو وضعيت وڅېړي.
په همدې حال کې د مالي او اداري چارو مرستیال خپلې موندنې د تخنیکي او مسلکي زده کړو ادارې له سرپرست سره شریکې کړې او دواړو لورو په دې اړه خپل نظریات شریک کړل.
دا په داسې حال کې ده، چې د تخنيکي او مسلکي زده کړو له ادارې څخه بېلابېل پلاوي د تخنيکي او مسلکي زده کړو د مرکزونو د ستونزو د څېړلو او د حل په موخه ولايتونو ته سفرونه کړي دي.
