د تخنیکي او مسلکي زده کړو ملي ادارې د ازبکستان له دوو تحصیلي بنسټونو سره د ګډو همکاریو تفاهملیک لاسلیک کړ
د تخنيکي او مسلکي زده کړو ملي ادارې سرپرست الحاج مولوي غلام حيدر شهامت، په خپل دفتر کې د «دينأو» او « افغان اتباعو د ښوونې او روزنې مرکز » له مشر «اويبک عبدالمومین اوف» سره د ګډو همکاریو تفاهملیک لاسليک کړ.
نوموړي دوه بنسټونه په ازبکستان هیواد کې د پوهنې په برخه کې فعالیت ترسره کوي.
د یاد تفاهم لیک پربنسټ به د ازبکستان هیواد کارآفرینۍ «دينأو» انسټيټوټ او د « افغان اتباعو د ښوونې او روزنې مرکز »د تخنیکي او مسلکي زده کړو له ادارې سره په بېلابېلو برخو کې همکاري کوي.
په تفاهملیک کې همداراز راغلي چې د تخنيکي او مسلکي زده کړو ملي اداره به د تخنيکي او مسلکي زده کړو مرکزونو استادان او زده کوونکي ازبکستان هیواد ته د ښوونيزو پروګرامونو د زده کړې په موخه واستوي
همداراز د تخنیکي او مسلکي زده کړو له ادارې سره د تعلیمي نصاب په برخه کې د دواړو بنسټونو ترمنځ همکاري هم د یاد تفاهم لیک له موادو څخه دي.
د تخنيکي او مسلکي زده کړو ادارې سرپرست د ازبکستان هیواد کارآفرینۍ «دينأو» انسټيټوټ د سره د تفاهملیک د لاسلیک کولو پر مهال وويل، چې دا اداره به د تفاهملیک د پلي کېدو لپاره ټول شرايط چمتو کوي.
