د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یو تن مُبلغ ښاغلي مولوي ګل الرحمن په وینا او د کارکوونکو په ګډون ددې ادارې په مرکزي تالار کې ترسره شوه.
ښاغلي مولوي ګل الرحمن په دې ښوونیزې غونډه کې د حضرت عمر فاروق «رض» د ژوندانه او اخلاقو په اړه توضیحات وړاندې کړل.
نوموړي وويل ؛ که څه هم حضرت عمر فاروق «رض» د مسلمانانو خلیفه و، خو ساده جامې یې اغوستې، عادي خواړه یې خوړل او د شپې لخوا به يې په ښار کې د خلکو له احوالو څخه ځان خبرولو، مولوی ګل الرحمن همداراز زیاته کړه چې ؛ عمر رضی الله عنه د عدالت په پلي کولو کې هیڅ ډول تبعیض نه کاوه، نو ځکه د فاروق (د حق او باطل جلا کوونکی) په نوم یې شهرت پیدا کړ.
د تخنیکي او مسلکي زده کړو ادارې اصلاحي غونډه هره شنبه د دعوت او ارشاد ریاست له خوا جوړیږي، چې په یادې غونډه کې پر مهمو موضوعاتو بحث کیږي.
