د تخنیکي او مسلکي زده کړو اداری کارکوونکو ته، د ملکي کارکوونکو د فعالیت ارزونی نوې پروسی پیژندل
د ملکي کارمندانو د کړنو د ارزونې نوې پروسه د تخنیکي او مسلکي زده کړو اداری د بیلابیلو څانګو کارمندانو ته د روزنیز سیمینار په لړ کې معرفي شوه.
د تخنیکي او مسلکي زده کړو اداری د بشري سرچینو رییس عبدالوارث اسکندري د پروګرام په پیل کې د اداري اصلاحاتو کمیسیون څخه د دولتی مامورینو د کړنو ارزونې لپاره د نوې کړنلارې رامینځته کولو له امله مننه وکړه ، او ویې ویل چې د کړنلارې تعدیل د دولتي ادارو لپاره عاجله اړتیا وه، چی تر دی مخکی د کارکوونکو د ارزونی داسی مؤثره کړنلاره موجوده نه وه.
ښاغلي اسکندري زیاته کړه: د تخنیکي او مسلکي زده کړو اداری رهبري تمه لري چې د ارزونې نوې پروسه په مؤثره توګه پلې شي ، تر څو پکی د کارکوونکو وړتیا تضمین شی.
ښاغلي اسکندري زیاته کړه چې دغه اداره به د اداري اصلاحاتو کمیسیون سره د نوې کړنلارې په پلي کولو کې لازمه همکاری کوی.
د اداري اصلاحاتو او ملکي خدمتونو کمیسیون نظارت او مدیریت کارپوه ښاغلي احمد فواد معروف د ارزونی نوي طرزالعمل پلي کول مهم بولي او وايي چې دا کړنلاره په متخصص ډول څیړل شوې او هڅې روانې دي چې کارمندان خپل حقوق له لاسه ورنکړي او د هر ډول غیر قانوني کارونې مخه ونیول شي. هغه زیاته کړه چې دا کړنلاره د کارمندانو حقوقو رعایت کولو کې مؤثره ده او هم د مستقیم او عالي آمرینو لپاره یې اړینې اسانتیاوې برابرې کړي دي.
