د تخنيکي او مسلکي زده کړو اداره کې د " Stay IN Afghanistan" مؤسسې دفتر پرانستل شو
د " Stay IN Afghanistan" په نوم د مؤسسې نمایندګی دفتر د تخنیکي او مسلکي زده کړو په اداره کې پرانیستل شو.
د دغه دفتر د پرانېستې په مراسمو کې د تخنيکي او مسلکي زده کړو د ادارې سرپرست مولوي غلام حيدر شهامت او د " Stay IN Afghanistan" دفتر مسئول انجنير ويس الله صديقي هم حضور درلود.
دغه مؤسسه په آلمان کې میشت افغان ځوانان او متخصصینو څخه تشکیل شوې ده چې د یوه هوکړه لیک له مخې له آلمان څخه افغانستان ته د صنعتي څانکو د انتقال په برخه کې د تخنیکي او مسلکي زده کړو له ادارې سره همکاري وکړي. یاد هوکړه ليک څه موده وړاندې د تخنيکي او مسلکي زده کړو ادارې او " Stay IN Afghanistan" مؤسسې ترمنځ لاسليک شو.
په پام کې ده چې صنعتي څانکې باید له آلمان څخه افغانستان ته د کار د بازار له اړتیا سره سم انتقال شي.
