د بادغیس ولایت اړوند جوند کرنې مسلکي انسټیټوټ د محصلینو له لوري د عملي روزنو د زده کړې بهیر!
د بادغیس ولایت د جوند ولسوالۍ اړوند کرنې مسلکي انسټیټوټ د کرنې څانګې محصلینو د یاد ښوونیز مرکز په تحقیقاتي فارم کې د نیالګیو د شاخه برۍ په برخه کې عملي روزنه ترلاسه کړه.
نوموړو په دې درسي جلسه کې د نیالګیو شاخه برۍ او د شاخه پرېکولو د معیاري طریقو په اړه په عملي او تفصیلي بڼه روزنه ترلاسه کړه.
دغه راز د د دې درس په دوام کې محصلینو خپلې پوښتنې او سوالونه هم شریک کړل، چې د هغوی پوښتنو ته د لارښود استاد لخوا په مفصله توګه ځوابونه ورکړل شول.
د تخنیکي او مسلکي زده کړو په مرکزونو کې عملي زده کړې د دې مرکزونو فارغانو ته د کار زمینه برابروي. له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
