د چک ولسوالۍ کثیر الرشتوي انسټیټوټ برښنا څانګې زده کړیالانو د یادې ولسوالۍ برښنا فابریکې څخه لیدنه وکړه
د میدان وردګو ولایت د چک ولسوالۍ کثیرالرشتوي انسټیټوټ د برښنا څانګې زده کړیالانو د عملي زده کړو په موخه د یادې ولسوالۍ برښنا فابریکې ته واستول شول.
د دغه عملي سیر په ترڅ کې دوی د چک ولسوالۍ برښنا فابریکې له ټولو څانګو د لارښود استادانو سره یوځای لیدنه وکړه.
د چک ولسوالۍ کتیرالرشتوي انسټیټوټ د برښنا څانګې زده کړیالانو په دې علمي بهیر کې مهارتونه او تجربې زده کړې.
دوی تر دې مخکې د یوه علمي سیر په ترڅ کې د سیداباد د برښنا بند له بېلابېلو برخو څخه لیدنه کړې وه.
د تخنیکي او مسلکي زده کړو په مرکزونو کې 60% سلنه روزنه عملي ده. تر څو د دغو مرکزونو فارغان له فراغت وروسته په مستقیم ډول د کار بازار ته جذب شي.
د مسلکي او ماهر کاري ځواک روزنه د تخنیکي او مسلکي زده کړو ادارې یو له اصلي موخو څخه دي.
