د فراه ولایت تخنيکي او مسلکي زده کړو آمريت له لوري علماء کرامو ته د عامه پوهاوي يو ورځنی سمينار ترسره شو
په فراه ولایت کې د تخنيکي او مسلکي زده کړو ادارې مسؤلینو د یاد ولایت د مرکز اړوند جوماتونو شاوخوا ۱۰۰ تنو ملا امامانو ته د عامه پوهاوي يو ورځنی سمينار ترسره شو.
د فراه ولایت د تخنیکي او مسلکي زده کړو آمریت د مسؤلینو په وینا دغه سمينار د پوهنې او لوړو زده کړو وزارتونو او د تخنيکي او مسلکي زده کړو ادارې د ښوونیزو چوپړتیاوو ترمنځ د توپيرونو د ښوولو او همدارنګه د تخنيکي او مسلکي زده کړو د ارزښت، ودې او پياوړتيا په موخه ترسره شو.
د یادونې وړ ده، چې د ياد سمينار په ترڅ کې د سمينار له ګډونوالو څخه د مسجدونو د منبرونو له لارې تر ولسي وګړو پورې د تخنيکي او مسلکي زده کړو د ارزښت د رسولو غوښتنه هم وشوه.
