د تخنیکي او مسلکي زده کړو ادارې رئیسانو او آمرینو ته «پلان بهبود مکاتب» تشریح شو
د «پلان بهبود مکاتب» طرحه د تخنیکي او مسلکي زده کړو ادارې د پلان او ستراتیژیکو همغږیو ریاست لخوا د دې ادارې د مرکزي هستې رئیسانو او آمرینو ته تشریح شو.
دا پلان، چې د تغیر هوشمند موسسې لخوا د یونسکو او تخنیکي او مسلکي زده کړو ادارې سره په همکارۍ او همغږۍ کې چمتو شوی، بیلابیل تخنیکي موضوعات پکې شامل دي.
کارپوهانو د دې طرحې د تشریح کولو پرمهال، د یادې طرحې پر مزیتونو، ګټو او معیارونه بحث وکړ. دغه راز نوموړو د کار له نړۍ سره د تخنیکي زده کړو مرکزونو د اعیار کولو پر څرنګوالي هم توضیحات ورکړل.
په دوام کې د پروګرام حاضرو مسؤلینو د دې طرحې د بیلابیلو برخو په اړه خپلې پوښتنې او وړاندیزونه هم شریک کړل.
د یادونې وړ ده چې دا پلان اوس مهال د تخنیکي او مسلکي زده کړو ادارې په اختیار کې دی ترڅو د بیاکتنې او وروستي کولو «نهایي سازي» وروسته په تخنیکي او مسلکي زده کړو مرکزونو کې پلي شي.
