د مالي او اداري چارو مرستیال له لوري د تخنیکي زده کړو مرکزونو څخه د څارنې دوام
د تخنیکي او مسلکي زده کړو ادارې د مالي او اداري چارو مرستیال، محترم مفتي فضل الرحمن فاضل، د خپل کتنو په دوام کې د تخار ولایت د مرکز اړوند د تخنیکي او کثیرالرشتوي انسټیټوټونو له وضعیت څخه لیدنه وکړه.
نوموړي او ورسره مل پلاوي یې په تخار ولایت کې د تخنیکي او مسلکي زده کړو مرکزونو ستونزې او ننګونې له نېږدې څخه ولیدې، او د مالي او اداري چارو مرستیال د ستونزو د هواري او ننګونو ته د رسیدنې ژمنه هم وکړه.
دا په داسې حال کې ده چې تر دې وړاندې هم د تخار ولایت یو شمیر تخنیکي او مسلکي زده کړو مرکزونه هم د مالي او اداري چارو مرستیال، محترم مفتي فضل الرحمن فاضل لخوا څیړل شوي دي.
