د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د ښاغلي مفتي نجم الدین حقاني د دعوت او ارشاد رئیس په وینا او د یادې ادارې د کارمندانو په ګډون سره ترسره شوه.
محترم مفتي نجم الدین حقاني په دې روزنیزې غونډه کې د ذیالحِجّه میاشتې د فضیلتونو او حکمتونو په اړه خبرې وکړې.
نوموړي په خپله وینا کې یې وویل چې د دې میاشتې لومړۍ لس ورځې له ډېرو فضیلتونو او حکمتونو څخه برخمنې دي او په دې میاشت کې عبادت د مسلمانانو د تېرو ګناهونو د عفوې سبب کېږي.
دغه راز مفتي حقاني د خپلې وینا په دوام کې د دې پروګرام له ګډونوالو وغوښتل چې په دې مبارکه میاشت کې د خدای تعالی ذکر او عبادت ته ډیره رجوع وکړي او خپل عبادتونه په بشپړ اخلاص سره ترسره کړي.
د تخنیکي او مسلکي زده کړو ادارې د دعوت او ارشاد ریاست د هرې اوونۍ په پيل کې د شنبې په ورځ اصلاحي غونډه ترسره کوي چې په دې پروګرام کې په اړینو عقیدوي او اصلاحي موضوعاتو بحث کیږي.
