د ودانیو نقشه کشۍ په برخه کې د پکتیکا ولایت مرکز کثیرالرشتوي انسټیټوټ د محصلینو د عملي زده کړو بهیر
د پکتیکا ولایت د مرکز اړوند کثیرالرشتوي انسټيټوټ د ساختماني انجینرۍ څانګې محصلینو د ودانیو د نقشه کشۍ د معیاري طریقو په اړه په عملي بڼه روزنه ترلاسه کړه.
نوموړو په دې درسي جلسه کې، د استاد له لوري د ودانیو د نقشې ایستلو یا ترسیم کولو سمه طریقه په عملي ډول زده کړه، او د موضوع په اړه یې خپلې پوښتنې او سوالونه هم شریک کړل.
لارښود استاد د نقشه کشۍ په برخه کې د محصلینو پوښتنو ته مفصل ځوابونه ورکړل.
د تخنیکي او مسلکي زده کړو په مرکزونو کې د روزنې ډیری برخه عملي ده، څرنګه چې د تخنیکي او مسلکي زده کړو مرکزونو فراغان په مستقیم ډول د کار بازار ته جذب کیږي.
له همدې امله، د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
