د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یادې ادارې د دعوت او ارشاد رئیس ښاغلي مفتي نجم الدین حقانی په وینا او د کارکوونکو په ګډون سره ترسره شوه.
ښاغلي مفتي نجم الدین حقانی په دې درسي جلسه کې، د مومنانو په ورځني ژوند کې د اصلاحي پروګرامونو د رول په اړه خبرې وکړې.
نوموړي وويل چې په اصلاحي پروګرامونو کې ګډون، د مومنانو لپاره د ښېګڼې او خیر لامل ګرځي او د الله تعالی لخوا به هغوی ته اجر او پاداش هم ورکړل شي.
مفتي حقاني دغه راز د دې ښوونیز پروګرام له ګډونوالو هم وغوښتل چې په اصلاحي پروګرامونو او بیانونو کې برخه واخلي ترڅو د یاد پروګرامونو له اجر او ثواب څخه برخمن شي.
د غونډې په دوام کې نوموړي د روژې مبارکې میاشتې د حکمتونو په اړه خپلو خبرو ته دوام ورکړ، او غونډه د دعایې په ویلو سره پای ته ورسېده.
