د تخار ولایت اړوند تخنیکي او مسلکي انسټيټوټ فراغت غونډه ترسره کړه
د تخار ولایت اړوند تخنیکي او مسلکي انسټيټوټ د یاد ښوونیز مرکز څخه د یو شمېر محصلینو د فراغت په ویاړ غونډه جوړه کړه.
په دې مراسمو کې د تخار د تخنیکي او مسلکي زده کړو آمریت مسوولینو، سیمه ییزو چارواکو، قومي مشرانو او د فارغ شویو محصلینو د کورنیو غړو برخه اخیستې وه.
په دې نمانځغونډه کې ويناوالو د تخنيکي او مسلکي زده کړو پر ارزښت خبرې وکړې او له ځوانانو يې وغوښتل چې په تخنيکي برخو کې خپلو زده کړو ته دوام ورکړي.
د يادونې وړ ده، چې دغو محصلينو د انجنيري او کمپيوټر ساينس له څانګو څخه به د فراغت سندونه ترلاسه کوي.
د مراسمو په پای کې فارغ شویو محصلینو ته ستاینلیکونه ورکړل شول او مراسم د خیر په دعایې سره پای ته ورسیدل.
