د تضمین کیفیت او اعتبار ورکولو پروګرامونو د پوهاوي په اړه سیمینار ترسره شو
د تخنیکي او مسلکي زده کړو ادارې اړوند د تضمین کیفیت او اعتبار دهي ریاست لخوا د تضمین کیفیت او اعتبار ورکولو پروګرامونو د پوهاوي په اړه سیمینار ترسره کړ.
په دغه ښوونیز سیمینار کې د کابل ښار د تخنیکي او مسلکي زده کړو مرکزونو استادانو ته د درې ورځو لپاره د تضمین کیفیت او اعتبار ورکولو په برخه کې روزنه ورکول کېږي.
د تخنيکي او مسلکي چارو مرستيال مولوي غلام سعيد احساس د دغه پروګرام په ترڅ کې د تخنيکي او مسلکي زده کړو په مرکزونو کې د اعتبار ورکولو او د کيفيت د تضمين پر اهميت ټينګار وکړ.
محترم مولوي احساس زیاته کړه چې د تخنیکي او مسلکي زده کړو د مرکزونو استادان باید د ځوانانو د تعلیم او تحصیل د کیفیت لوړولوپه برخه کې لا زیاتې هڅې وکړي.
همدارنګه د تخنيکي او مسلکي چارو مرستيال په خپلو خبرو کې وویل، چې د هېواد روان حالت د افغانستان د خلکو د سرښندنو پايله ده. نوموړو څرګنده کړه چې هیواد، پرمختګ او ترقي ته د رسیدو لپاره شپه او ورځ په صادقانه توګه کار کولو ته اړتیا لري.
