د تخنیکي او مسلکي زده کړو ادارې پلاوي د کندهار ولایت د مرکز اړوند د (حفظ میوه) لېسې وضعیت وڅیړه
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس په مشرۍ د یادې ادارې پلاوي کندهار ولايت ته د خپل سفر په دوام د دغه ولایت د مرکز اړوند میوې ساتنې (حفظ ميوه) لېسې څخه ليدنه وکړه.
په دې کتنه کې یاد شوي پلاوي کې د دغه مرکز ټول تعلیمي اسناد او کاري چارې وڅېړلې او د یاد مرکز ستونزې او ننګونې یې له نږدې وکتلې.
دغه راز د تخنيکي او مسلکي زده کړو ادارې د ارشاد او دعوت رييس مفتي نجم الدين حقاني د یادې ليسې له زده کوونکو او کارکوونکو سره په کتنه کې له هغوى وغوښتل چې د الهي احکامو سره سم ځانونه آراسته کړي او په خپلو کارونو کې له صداقت څخه کار واخلي.
دا په داسې حال کې ده چې دغه پلاوي تر دې وړاندې د دایکندي، فراه، غور، نیمروز او هلمند ولایتونو په ګډون د بېلابېلو ولایتونو د تخنیکي او مسلکي زده کړو د مرکزونو له وضعیت څخه څارنه کړې ده.
