د مومند درې زراعت مسلکي انسټیټوټ وضعیت وڅېړل شو
د تخنیکي او مسلکي زده کړو ادارې پلاوي، ننګرهار ولایت ته په سفر کې د دغه ولایت د مومند درې ولسوالۍ د زراعت مسلکي انسټیټوت او همدارنګه د سوداګرۍ مسلکي انسټیټوټ وضعیت وڅېړه.
دغه پلاوي د یادو انسټیټونو د زده کړې له صنفونو او وسایلو څخه لیدنه وکړه.
همدارنګه زده کړیالانو خپلې اړتیاوې او ستونزې د تخنیکي او مسلکي زده کړو ادارې له پلاوي سره شریکې کړې، ښاغلي مفتي فضل الرحمن فاضل د مالي او اداري چارو مرستیال د هغوی ستونزو ته د حل لارو په موخه د همکارۍ وعده وکړه.
ولایتونو ته د دغه اداري پلاوي د سفر موخه، د تخنیکي او مسلکي زده کړو انسټیټونو ستونزو ته حل لاره او اړتیاو ته رسیدګي کول ګڼل شوي دي.
