د تخنیکي او مسلکي زده کړو ادارې اونیزه اصلاحي غونډه ترسره شوه
د تخنيکي او مسلکي زده کړو ادارې اونيزه اصلاحي غونډه د تخنيکي او مسلکي چارو مرستيال ښاغلي مولوي غلام سعيد احساس په وينا او د دغې ادارې د کارکوونکو په حضور کې ترسره شوه.
په دغې برنامه کې ښاعلي مولوي احساس د ایمان او د هغه پر شرایطو خبرې کړې دي.
د تخنيکي او مسلکي چارو مرستيال د ايمان ارکان تشريح کړې او ويې ويل: کامل مسلمان هغه دى چې د ايمان ارکان به ژبه ووایې او په زړه یې تصدیق کړي.
نوموړي د عبادت په اړه هم خبرې وکړې او ویې ویل چې د عبادت په وخت کې باید په خورا عاجزۍ سره د الله متعال حضور ته ودریږو.
ښاغلي مولوي غلام سعید احساس هم په دې اصلاحي غونډه کې وویل، هر هغه څه چې په ښه نیت او د الله (ج) د رضا لپاره تر سره شي، د خدای په نزد عبادت ګڼل کیږي.
غونډه د خیر دعا په ویلو سره پای ته ورسیده.
