د تخنیکي او مسلکي زده کړو ادارې پلاوي لخوا د زابل د ادارې او حسابدارۍ انسټیټوټ بررسي شو
د تخنيکي او مسلکي زده کړو ادارې پلاوي د دغې ادارې د تخنیکي او مسلکي چارو مرستيال مولوي غلام سعيد احساس په مشرۍ د زابل ولايت د اداري او حسابدارۍ انسټيټوټ تعليمي وضعیت وڅېړه.
دوی د دغه ښوونیز مرکز ټول تعلیمي او مالي اسناد وڅېړل.
د تخنيکي او مسلکي زده کړو ادارې يوه پلاوي د تخنيکي او مسلکي زده کړو د مرکزونو د اړتياوو او ستونزو د حل په موخه ولايتونو ته سفر کړى دى.
نوموړي پلاوي تر دې مخکې د میدان وردګو او غزني په ګډون په یو شمېر ولایتونو کې د تخنیکي او مسلکي زده کړو د مرکزونو وضعیت څېړلی دی.
