د ولایتي تخنیکي او مسلکي زده کړو آمریتونو د فعالیتونو په اړه لنډ راپور
• بغلان
د تخنيکي او مسلکي زده کړو ادارې پلاوى بغلان ولايت ته د تخنيکي او مسلکي زده کړو د آمریت له تاسيساتو څخه د ليدنې په موخه سفر کړى دى.
نوموړي پلاوي د بغلان د ټولو تخنیکي او مسلکي زده کړو د مرکزونو د ودانیو ستونزې وڅېړلې او د هغو ودانیو اړتیاوې یې په ګوته کړي چې ترمیم ته اړتیا لري.
• پروان
د پروان ولایت د تخنیکي او مسلکي زده کړو آمریت د تعلیمي مرکزونو د منسوبینو او کارکوونکو لپاره دوه ورځنی ورکشاپ په لاره اچولی.
دا ورکشاپ په منظم ډول د عملیاتي پلان ترتیب او پلي کولو او پر وخت د راپورونو چمتو کولو او همدارنګه د احصائیوي فورمو په سمه توګه ډکولو په هکله و.
• لغمان
د لغمان د تخنیکي او مسلکي زده کړو آمریت د څارنې پلاوي د یاد ولایت د علینګار ولسوالۍ د کرنې له لیسې څخه لیدنه وکړه.
د دغه لیدنې موخه د علینګار ولسوالۍ د کرنې مسلکي لیسې د اداري او تدریسي چارو څارنه وه.
د څارنې پلاوي د علینګار د کرنې مسلکي لېسې د مسؤلینو ستونزې هم واورېدې او د چارو د لا ښه والي په موخه یې لازمې سپارښتنې وکړې.
