د تخنيکي او مسلکي زده کړو ادارې سرپرست د "افرن" موسسې له چارواکو سره وکتل
د افغانستان د تخنیکي او مسلکي زده کړو ادارې سرپرست مولوي غلام حیدر شهامت د فرانسې د افرن یا «دوستی فرانسه – افغانستان» موسسې له چارواکو سره وکتل.
په دې کتنه کې د افرن مسوول سیمی کالن د یادې ادارې د فعالیتونو د بیا پیلولو لپاره خپل چمتووالی اعلان کړ. دا موسسه د کرنې په برخه کې فعالیت کوي او د تعلیمي نهادونو ملاتړې هم ده.
د افرن موسسې عمومي مسوول وويل، یاد نهاد په پام کې لري چې د باميانو ورس ولسوالۍ د کرنې د مسلکي لېسې په ګډون د ځينو تخنيکي او مسلکي زده کړو د مرکزونو ودانۍ ورغوي.
د تخنيکي او مسلکي زده کړو ادترې سرپرست د افرن موسسې د مرستو قدرداني وکړه او د یاد نهاد د لا زياتو همکاريو غوښتنه يې وکړه.
