په کنړ ولایت کې د ادارې او حسابداری انسټیټوټ جوړول؛ د تخنیکې او مسلکې زده کړو ادارې د پراختیایی برنامو، روښانه مثال دی
د تخنیکي او مسلکي زده کړو ادارې یو له پرمختیایی برنامو د افغانستان په ټولو ولایتونو کې د نوي روزنیزو مرکزونو رامنځته کول دي ترڅو زموږ ګران هیوادوال تخنیکي او مسلکي زده کړې ته لاسرسی ومومي.
له نیکمرغه، د کنړ ولایت مرکز اسعداباد کې د ادارې او حسابداری انسټیټوټ د جوړولو کار بشپړ او ډیر ژر به ګټې اخیستنې ته وسپارل شی.
دا انسټیټوټ په دریو پوړونو کې، چې د ټولو لوازمو سره ۱۶ درسی ټولګې لري، د “همت خیل” ساختماني شرکت لخوا د ۲۰ میاشتو په جریان کې د (۲۹۴۰۰۶۴۳) نهه ویشت میلیونه څلور سوه زره شپږ سوه درې څلویښت افغانیو په لګښت جوړ شوی، چې لګښت يې ددغه ادارې پراختیایی بودجی لخوا تمویل شوی دی.
د ټولو لپاره د تخنیکي او مسلکي زده کړو چمتو کول د تخنیکي او مسلکي زده کړو ادارې یوه ستراتیژیکه موخه ده، نو د دې موخې تر لاسه کولو لپاره، ټاکل شوې چې د دې ادراې د (۵) کلنۍ ملي ستراتیژۍ په پلي کولو سره، د هیواد په ۳۴ولایتونو او ولسوالیو کې د تخنیکي او مسلکي زده کړو زده کړه ییزو مرکزونو رامنځته کړی، ترڅو په هیواد کې د ماهرو انسانی پانګې تولید لپاره زمینه برابره شی.
