په بلخ کې د تخنیکي او مسلکي مرکزونو د وضعیت د بررسي کولو دوام
مولوي غلام حیدر شهامت د بلخ ولایت د تخنیکي او مسلکي زده کړو د مرکزونو د وضعیت بررسي کولو په دوام د یاد ولایت د سجاديه د تخنیکي او مسلکي انسټیټوټ بررسي کړ.
نوموړي په مستقيم ډول د استادانو د تدريس څرنګوالي څارنه وکړه او د دغه ښوونيز مرکز د مسئولينو او محصلينو اړتياوې يې واورېدې.
د عملي کار لپاره د تجهیراتو کمښت او همدارنګه د کمپیوټر لب نشتوالی د بلخ سجادیه انسټيټوټ یوه له لویو ننګونو څخه بلل کیږي.
ښاغلي شهامت د بلخ د سجادیه انسټیټوټ د ستونزو د رسیده ګې او حل په اړه ډاډ ورکړ.
تر دې مخکې د تخنيکي او مسلکي زده کړو ادارې پلاوي هم د بغلان، کندز، تخار او سمنګان ولايتونو کې د تخنيکي او مسلکي زده کړو له يو شمېر مرکزونو څخه لیدنه کړې ده.
په دغه سفر کې له مولوي غلام حیدر شهامت سره د تخنیکي او مسلکي زده کړو ادارې یو پلاوی هم ملیتا کوي.
