محصلینو ته د اینورټر او د هغې پرزو په اړه عملي زدهکړه ورکړل شوه
د کاپیسا ولایت انجنیري معاون انسټیټیوټ د برېښنا څانګې محصلینو په یوه درسي غونډه کې د برېښنا «اینورټر» او د هغې پرزو په اړه عملي زدهکړه ترلاسه کړه.
دغه درسي جلسه د نوي کېدونکې انرژۍ څانګې د عملي کارونو په چوکاټ کې ترسره شوه او د اړوندې څانګې استاد زدهکوونکو ته د DC برېښنا څخه AC برېښنا ته د تبدیلولو څرنګوالی تشریح کړ.
«اینورټر» د نوي کېدونکې انرژۍ په صنعت کې یو مهم او اساسي وسیله ګڼل کېږي. دا وسیله هغه DC برېښنا چې د سولر پینلونو څخه تولیدېږي، AC برېښنا ته اړوي.
زدهکوونکي د تخنیکي او مسلکي زدهکړو په مرکزونو کې د عملي زدهکړو پر اهمیت ټینګار کوي او وایي چې اوس مهال کولی شي د برېښنا او سولر سیستم په برخه کې په بازار کې کار وکړي.
د تخنیکي او مسلکي زدهکړو په مرکزونو کې د زدهکړو ډېره برخه عملي ده، له همدې امله زدهکوونکي له فراغت وروسته په مستقیم ډول د کار بازار ته جذبېږي.
