له فیروز کوه انسټیټوټ څخه د تخنیکي او مسلکي چارو مرستیال لیدنه وکړه
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس په کابل کې د فيروز کوه خصوصي انسټیټوټ څخه ليدنه وکړه.
د دغه لیدنې په ترڅ کې ښاغلي احساس د صنعت او هنر په برخه کې د فیروزه کوه انسټیټوټ زده کړیالانو د تولید او عملي کار بهیر وڅېړه.
هغه د فیروز کوه انسټیټوټ د مسؤلینو له هڅو او زیار څخه مننه وکړه او ټینګار یې وکړ چې نور تخنیکي او مسلکي روزنیز مرکزونه باید د دغه انسټیټوټ په څېر خپل روزنیز پروګرامونه تنظیم کړي، «ترڅو وکولای شو د کار بازار د اړتیاوو سره سم ماهر او مسلکي کسان ټولنې ته وړاندې کړو».
