له باختر پوهنتون سره د همکارۍ د هوکړه ليک مسوده وڅيړل شوه
د تخنيکي او مسلکي زده کړو ادارې د پلان او ستراتيژيکې همغږۍ رئيس مولوي نېک محمد نېکمل د باختر خصوصي پوهنتون له رئيس محمد نبي شهاب سره وکتل.
په دغه کتنه کې د تخنيکي او مسلکي زده کړو ادارې او باختر پوهنتون ترمنځ د همکارۍ هوکړه ليک د مسودې په هکله خبرې اترې وشوې.
د باختر پوهنتون رئيس او د تخنيکي او مسلکي زده کړو ادارې د پلان ریاست کارکوونکو د يادې مسودې په اړه خپل نظرونه او کتنې وړاندې کړې او موافقه وشوه چې د يادې طرحې د نهايي کولو لپاره به غونډې دوام ولري.
