د کندهار ولایت د تخنیکي او مسلکي زده کړو مرکزونو د محصلینو فراغت غونډه ترسره شوه
د کندهار ولایت د تخنیکي او مسلکي زده کړو مرکزونو د شاوخوا ۴۰۰ تنو محصلینو د فراغت غونډه جوړه شوه.
په دې مراسمو کې د کندهار پوهنتون رئيس، د مخابراتو رئيس، د اداري اصلاحاتو رئيس او يو شمېر نورو سيمه ييزو مسولینو هم ګډون درلود.
د دې پروګرام په پيل کې د کندهار ولايت د تخنيکي او مسلکي زده کړو آمر مولوي کريم الله حميم خبرې وکړې او ويې ويل، اوس د دې وخت رارسېدلی چې فارغان د افغانستان د ودې او پرمختګ په برخه کې کار وکړي.
د مراسمو په دوام کې د کندهار ولايت د پوهنې رئيس مولوي فخرالدين هم وینا وکړه نوموړي د تخنيکي او مسلکي زده کړو د مرکزونو له فارغانو څخه غوښتنه وکړه، تر څو په تخنيکي او مسلکي برخو کې لا زياتې زده کړې وکړي.
په دې غونډه کې نورو ويناوالو هم خبرې وکړې نوموړو د وینا پرمهال زیاته کړه چې تخنيکي او مسلکي زده کړې د هېواد د ودې او پر ځان بسياينې په برخه کې خورا مهمې دي. او له همدا نن ورځې څخه باید له یادو زده کړو څخه ډیر ملاتړ وشي.
