د کندز ولایت د تخنیکي مرکزونو آمرینو او تدریسي مدیرانو لپاره د "مدیریتي مهارتونو" پنځه ورځنی سیمینار پیل شو
په کندز ولایت کې د تخنیکي او مسلکي زده کړو ادارې مسؤلینو د یاد ولایت د تخنیکي او مسلکي زده کړو مرکزونو تدریسي مدیرانو او آمرینو لپاره د ظرفیت لوړولو پنځه ورځنی سیمینار پیل کړ.
د یادونې وړ ده چې د دې روزنیز سیمینار ګډونوال به د پنځو کاري ورځو په ترڅ کې د تخنیکي او مسلکي زده کړو ادارې د ترینرانو د «مدیریت او دفتردارۍ د مهارتونو» په اړه روزنه ترلاسه کړي.
د کندز د تخنیکي او مسلکي زده کړو آمریت د مسؤلینو په وینا، د روزنیز پروګرام د پیل کیدو موخه د مدیریت په برخه کې د کارمندانو ظرفیت او وړتیا لوړول دي.
دا په داسې حال کې ده چې په ولایتونو کې د تخنیکي او مسلکي زده کړو ادارې مسؤلین تل هڅه کوي چې د ورته روزنیزو پروګرامونو او ظرفیت لوړولو سیمینارونو په جوړولو سره د کارمندانو د پوهاوي کچه لوړه کړي.
