د کندز د ادارې او محاسبې د انستیتوت ستونزې وڅیړل شوې
د تخنيکي او مسلکي زده کړو ادارې له ولايتي سفرونو وروسته د تخنيکي او مسلکي زده کړو ادارې سرپرست مولوي غلام حيدر شهامت د يوه پلاوي په مشرۍ کندوز ولايت ته سفر وکړ.
ښاغلي شهامت کندز ولایت ته د خپل سفر په ترڅ کې د یاد ولایت د ادارې او حسابدارۍ انسټیټوټ په ګډون د کندز ولایت د یو شمېر انسټیټونو وضعیت وارزاوه.
د ټولګیو بیارغونه او د درسي کتابونو نشتوالی د کندز د ادارې او حسابدارۍ انسټیټوټ لویې ستونزې دي.
د تخنيکي او مسلکي زده کړو ادارې سرپرست د تخنيکي او مسلکي زده کړو د مرکزونو د ستونزو په هواري کې د همکارۍ ژمنه وکړه.
په پام کې ده چې د تخنیکي او مسلکي زده کړو ادارې پلاوي نورو ولایتونو ته هم سفر وکړي. د دغه سفر موخه د تخنیکي او مسلکي زده کړو د مرکزونو د وضعیت ارزول دي.
