د کاپیسا ولایت معاون انجنیری انسټيټوټ د زده کوونکو له لوري د عملي روزنو زده کړه
د کاپیسا ولایت معاون انجنیری انسټيټوټ د ساختماني څانګې زدهکوونکو ته په یاد ولایت کې د کار لاندې ساحې ته د یو علمي سفر په ترڅ کې د ساختمان د سیخ بندۍ په اړه په عملي بڼه روزنه ورکړل شوه.
لارښود استاد ددې درس په ترڅ کې زده کوونکو ته د ساختمان او د تهداب د سیخ بندي د څرنګوالي په اړه مفصل توضیحات ورکړل او د نوموړو پوښتنو ته یې ځوابونه هم وویل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو د مرکزونو فارغان په مستقیم ډول د کار په بازار کې جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
