د نورستان ولایت له سرپرست والي سره د الحاج مولوي غلام حیدر شهامت ناسته
ښاغلي الحاج مولوی غلام حیدر شهامت نورستان ولایت ته د خپل سفر په ترڅ کې د نورستان ولایت له سرپرست والي سره ناسته ترسره کړه.
په دې ناسته کې د یاد ولایت د علماوو شورا مشر، د استخباراتو رئيس او نورو سيمه ييزو مسوولينو هم ګډون درلود.
دواړو لورو په یادې ناسته کې د تخنیکي او مسلکي زده کړو مرکزونو د وضعیت په اړه په مفصله توګه خبرې وکړې.
د تخنيکي او مسلکي زده کړو ملي ادارې سرپرست د نورستان ولايت له سيمه ييزو مسوولينو سره په کتنه کې د نوموړو سره د تخنيکي او مسلکي زده کړو ملي ادارې د موخو او پروګرامونو په اړه توضیحات وړاندې کړل.
له بلې خوا د نورستان ولایت سرپرست والي له الحاج مولوي غلام حیدر شهامت او ورسره مل پلاوي څخه یې هرکلي وکړ او ژمنه یې وکړه چې د نورستان د تخنیکي او مسلکي زده کړو مرکزونو ټولو ستونزو، وړاندیزونو او اړتیاوو ته به رسیدګي وکړي.
