د ننګرهار والي مرستیال د تخنیکي او مسلکي زدهکړو له مرکزونو لیدنه وکړه
د ننګرهار ولایت د مقام مرستیال مولوي غلام رحمن حیدري د تخنیکي او مسلکي زدهکړو له مرکزونو څخه لیدنه وکړه.
نوموړي د دې لیدنې پر مهال د تخنیکي او مسلکي زدهکړو مرکزونو د زدهکړو بهیر له نږدې وکتلو او د یادو مرکزونو له مسؤلینو سره په لیدنه کې یې وویل چې دا ډول زدهکړې د هېواد ودې او پرمختګ لپاره ډېرې مهمې او حیاتي دي.
د ننګرهار ولایت مقام مرستیال همدارنګه د تخنیکي او مسلکي زدهکړو مرکزونو پرمختګ لپاره د لازمو اسانتیاوو برابرولو ډاډ ورکړ.
بلخوا د تخنیکي او مسلکي زدهکړو آمریت مسؤلین وایي چې اوس مهال شاوخوا ۶ زره زدهکوونکي د تخنیکي او مسلکي زدهکړو په مرکزونو کې په یوولسو بېلابېلو څانګو کې پر زدهکړو بوخت دي.
