د موسهي او چهارآسیاب ولسوالیو د تخنیکي او مسلکي مرکزونو وضعیت وڅیړل شو
د تخنیکي او مسلکي زده کړو ادارې سرپرست مولوي غلام حیدر شهامت د یوه پلاوي په مشرۍ د کابل ولایت موسهي او چهارآسیاب ولسوالیو له تخنیکي او مسلکي مرکزونو څخه لیدنه وکړه.
په دغه سفر کې له ښاغلي شهامت سره د تخنیکي او مسلکي چارو مرستیال مولوي غلام سعید احساس هم ملتیا کوله.
د تخنیکي او مسلکي زده کړو ادارې پلاوي د چهارآسیاب او موسهي ولسوالیو د بېلابېلو انسټیټونو عمومي وضعیت ارزونه وکړه او ښاغلي شهامت د دغه انسټیټونو په هکله لازمې لارښوونې او سپارښتنې وکړې.
په پام کې ده چې تخنیکي او مسلکي زده کړو ادارې مشرتابه پلاوی په نورو ولایتونو او ولسوالیو کې د تخنیکي او مسلکي زده کړو د مرکزونو وضعیت ارزونه وکړي.
