د موبي ګروپ او طلوع نیوز مسئولینو د کابل میخانیکي انسټیټوټ څخه لیدنه وکړه
د طلوع نیوز تلویزیون رئیس ښاغلی ذبیح الله سادات او ورسره مل پلاوي د کابل میخانیکي انسټیټوټ څخه لیدنه وکړه.
په دغې لیدنه کې د تخنیکي او مسلکي زده کړو ادارې د دفتر رئیس استاد مطیع الله هدایت د دوي ملتیا کوله.
نوموړي پلاوي دکابل د ميخانيکي انسټیټوت له تجهيزاتو او تأسيساتو څخه د ليدنې پر مهال؛ دوی په موبي ګروپ کې د دغه انستیتوت د فارغانو د جذب او همکارۍ پر څرنګوالي خبرې وکړې.
د کابل د میخانیکي انسټیټوټ د غږیز او انځوریز تخنیک په څانګه کې اوسمهال لسګونه محصلین په زده کړو بوخت دي.
نوموړي پلاوي د تخنيکي او مسلکي زده کړو ادارې په ښوونیزو مرکزونو کې د تخنيکي کسانو د جذب په اړه د دغې ادارې له سرپرست ښاغلي غلام حيدر شهامت سره وکتل او خبرې يې وکړې.
