د علمي سفر په ترڅ کې د خوست ولایت مرکز کثیرالرشتوي انسټيټوټ د محصلینو عملي زده کړې!
په خوست ولایت د تخنیکي او مسلکي زده کړو ادارې مسؤلین خبر ورکوي چې د ولایت د مرکز کثیرالرشتوي انسټیټوټ د محصلینو لپاره یې یو ښوونیز علمي سفر پلاره اچولې ترڅو د نوموړو د پوهاوي کچه لوړه کړي.
په دې علمي سفر کې، د خوست ولایت د مرکز اړوند کثیرالشتوي انسټیټوټ د ادارې او تجارت څانګې محصلین د لارښود استاد د لارښوونې تر لاندې د یاد ولایت غلام خان بندر ته تللي دي.
د دې علمي سفر په ترڅ کې، نوموړو محصلینو ته د غلام خان بندر مسؤلینو او لارښود استاد له لوري د یاد بندر د بیلابیلو کاري چارو لکه د سوداګرۍ د مدیریت، د مالونو د تفتیش، د ګمرکي پروسو او د اقتصادي همکاریو په اړه په عملي بڼه روزنه ترلاسه کړه.
په ورته وخت کې، محصلینو هم د دې علمي سفر له ترسره کیدو څخه خوښي څرګنده کړه او د داسې ښوونیزو پروګرامونو ترسره کیدل یې د هغوی د پوهې کچې د لوړولو او د کار بازار ته د ننوتلو په برخه کې خورا ارزښتناک ګام وباله.
