د زده کوونکو او زده کړیالانو چارو ریاست خپل کاري راپور وړاندې کړ
د تخنيکي او مسلکي زده کړو اداری د زده کوونکو او زده کړیالانو چارو رييس ښاغلی سيد عباس ايوبي خپل کاري راپور د دغه اداری مشرتابه ته وړاندې کړ.
ښاغلي ايوبی په پيل کې د زده کوونکو او زده کړیالانو چارو رياست لاسته راوړنو په اړه وویل چې په دې وروستيو مياشتو کې د کابل ټول انسټیټونه د يوې کمېټې له خوا ارزول شوي دي. هغه وويل، د ارزونې موخه د انسټیټونو د ستونزو حل کول دي.
د زده کوونکو او زده کړیالانو چارو رييس زياته کړه، چې د ارزونې پروسه به د ولايتونو په کچه ترسره شي.
هغه د زده کوونکو د نوم لیکنې د ښه کولو لپاره پلان جوړونه، د لیلیې د تنظیم لایحه جوړول او د زده کوونکو د درسونو د پیل طرحه ددی ریاست له نورو لاسته راوړنو څخه دی. ښاغلي ایوبي د عملي کار لپاره د خامو موادو کمښت او د درسي کتابونو او کارکوونکو کمښت د دې ریاست له ننګونو څخه یاد کړل.
د تخنيکي او مسلکي زده کړو اداری مشر، مولوی غلام حيدر شهامت وويل، هغه به د دې ننګونو د حل لپاره کار وکړي.
نوموړي دغه راز د زده کوونکو او زده کړیالانو چارو ریاست د پلانونو هرکلى وکړ.
