د خوست ولایت اړوند مرکز کثیرالرشتوي انسټيټوټ محصلینو ته یو ورځنی روزنیز سیمینار ترسره شو
په خوست ولایت کې د تخنیکي او مسلکي زده کړو ادارې مسؤلین وایي چې یاد ولایت اړوند مرکز کثیرالرشتوي انسټيټوټ د ادارې او سوداګرۍ او د ادارې او مدیریت څانګو محصلینو لپاره یې یو ورځنی روزنیز سیمینار په لاره اچولی دی.
د مسؤلینو په وینا، دا سیمینار په اداري چارو کې د محصلینو د ظرفیت لوړولو او په بریالي توګه د کار بازار ته د هغوی د ننوتلو په موخه ترسره شوی.
د یادونې وړ ده چې د دې روزنیز پروګرام ګډونوالو ته د بیلابیلو اداري موضوعاتو لکه مالي او تدارکاتي چارو په اړه د یاد ښوونیز مرکز د پیاوړو استادانو لخوا روزنه ورکړل شوه.
دا په داسې حال کې ده چې د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
