د تخنیکي زده کړو لویدیځ زون رئیس له یو شمیر خصوصي بنسټونو سره وکتل
د تخنیکي او مسلکي زده کړو ادارې اړوند د لویدیځ زون رئیس د دوه جلا غونډو په ترڅ کې د جامې پوهنتون له رئیس او د لویدیځ زون د خصوصي پوهنتونونو د اتحادیې له رئیس وکتل.
په دې غونډو کې، دواړو خواوو د لویدیځ زون د تخنیکي او مسلکي زده کړو مرکزونو د محصلینو او زده کونکو لپاره د غوره ښوونیز فرصتونو د رامینځته کولو په شمول پر بیلابیلو موضوعاتو بحث وکړ.
په ورته وخت کې، د جامي پوهنتون رئیس د د تخنیکي او مسلکي زده کړو لویدیځ زون له رئیس مولوي ملتان ذاکر سره په کتنه کې، د تخنیکي او مسلکي زده کړو ادارې د فعالیتونو ستاینه وکړه او د دې ریاست سره یې د ګډو همکاریو د پراختیا ډاډ ورکړ.
دا په داسې حال کې ده چې ښاغلي ملتان ذاکر له دې وړاندې هم د لویدیځ زون په اړوند ولایتونو کې د لنډمهاله روزنیز حرفوي پروګرامونو د تمویل او تجهیز په موخه د TIKA (ترکیې) بنسټ له مشر ښاغلي عرفات دینیز سره کتلي دي.
