د تخنیکي او مسلکي چارو مرستیال د یونسکو له استازو سره وکتل
د تخنیکي او مسلکي زده کړو ادارې تخنیکي او مسلکي چارو مرستیال مولوي غلام سعید احساس د ملګرو ملتونو د علمي او فرهنګي تعلیمي سازمان (یونسکو) له پلاوي سره وکتل.
په دغه کتنه کې دواړو لورو د استادانو د ظرفيتونو د لوړولو، د ځانګړو زده کړو مرکزونو تجهیزولو او د تخنيکي او مسلکي زده کړو د ادارې د کتابونو د چاپ په برخو کې د همکاريو په هکله خبرې وکړې.
په دغه ناسته کې د تخنیکي او مسلکي چارو مرستیال هم د کتابونو چاپولو او د تخنیکي او مسلکي زده کړو ادارې د استادانو ظرفیتونو لوړولو په برخه کې د یونسکو همکارۍ غوښتنه وکړه.
په دغه کتنه کې د یونسکو مسوولینو د تخنیکي او مسلکي زده کړو ادارې د غوښتنو د حل په برخه کې د همکارۍ ژمنه وکړه.
