د تخنیکي او مسلکي زده کړو په اداره کې د شاوخوا ۷۲ زره ډالرو په ارزښت، ساختماني پروژه افتتاح شوه
تخنیکي او مسلکي زده کړو ادارې د کابل ښار په روښانزړو مسلکي انسټيټوټ کې د آغا خان بنسټ سره په همکارۍ د روغتایي مرکز جوړولو پروژه افتتاح کړه.
د دې روغتیایي مرکز په افتتاحیه کې، د تخنیکي او مسلکي زده کړو ادارې د مالي او اداري چارو مرستیال مفتي فضل الرحمن فاضل، ښاغلی نجم الدین نجم په افغانستان کې د آغا خان بنسټ رئیس ، د دې ادارې مقاماتو او د آغا خان بنسټ یو شمیر نورو مسؤلینو هم حاضر درلود.
د دې مراسمو په پیل کې، د مالي او اداري چارو مرستیال محترم مفتي فضل الرحمن فاضل، د اسلام له نظره له نورو سره د مرستې کولو په اړه خبرې وکړې نوموړي څرګنده کړه چې د نورو سره همکارۍ د هغو لاسنیوی د متعال خدای په دربار کې لوی اجر او ثواب لري.
دغه راز مفتي فاضل د تخنیکي او مسلکي زده کړو له ادارې سره د آغا خان بنسټ له همکاریو څخه قدرداني وکړه او زیاته یې کړه چې د ځانګړو زده کړو څانګه د یادې ادارې یوه مهمه برخه ده.
همدارنګه په دوام کې، په افغانستان کې د آغا خان بنسټ رئیس ښاغلي نجم الدین نجم، د بیلابیلو قشرونو لپاره د خدماتو رسولو په برخه کې د تخنیکي او مسلکي زده کړو ادارې د مشرتابه له هلو ځلو څخه ستاینه وکړه.
نوموړي همداراز د نابیناینو څخه په ملاتړ هم ټینګار وکړ او ویې ویل چې د دې پروژې د تطبیق کیدو موخه روښانزړو کسانوته د روغتیایي خدمتونو د لاسرسي ښه والی دی.
په ورته وخت کې، د آغا خان بنسټ رئیس په دې غونډه کې د تخنیکي او مسلکي زده کړو له ادارې سره د لا زیاتو همکاریو ژمنه وکړه.
