د تخنیکي او مسلکي زده کړو مرکزونو د تدریسي مامورینو لپاره د ظرفیت لوړونې پروګرام جوړ شو
د تخنیکي او مسلکي زده کړو ادارې د بشري سرچینو ریاست لخوا د تخنیکي او مسلکي زده کړو د مرکزونو د مدیرانو او تدریسي مامورینو لپاره د ظرفیت لوړونې پروګرام جوړ شو.
په دې پروګرام کې ۳۰ تنو برخه اخیستې وه او نوموړو ته د یوې ورځې لپاره د مهمو اداري کارونو په اړه روزنه ورکول کیږي.
ګډونوالو له دې پروګرام څخه د خوښۍ په څرګندولو سره، له مسوولینو څخه غواړي چې د کارکوونکو د ظرفیتونو لوړولو او پیاوړتیا په برخه کې زیاته پاملرنه وکړي.
له بلې خوا د تخنيکي او مسلکي زده کړو ادارې رهبري تل د یادې ادارې د کارکوونکو د ظرفيتونو په لوړولو او پياوړتيا باندې ټينګار کوي او مسوولينو ته يې په دې برخه کې لازمې هدایات هم ورکړې دي.
