د تخنیکي او مسلکي زده کړو د مرکزونو استادانو لپاره د ظرفیت لوړونې برنامه ترسره شوه
د تخنيکي او مسلکي زده کړو ادارې د ښوونيزو مرکزونو د استادانو لپاره د ظرفيت لوړونې برنامه ترسره شوه.
د استادانو د ظرفیت لوړولو په برنامه کې د هېواد له ۱۳ ولایتونو څخه ۱۲۵ تنه استادانو ګډون کوي. په دغه ورکشاپ کې د تخنیکي او مسلکي زده کړو د مرکزونو استادانو ته د تدریس اصول تدریس کیږي.
د تخنيکي او مسلکي زده کړو ادارې د نصاب او ښوونکو د روزنې رئيس احمد نبي نايل د ورکشاپ په لومړۍ ورځ ګډونوالو ته وينا وکړه او د هېواد د بچيانو په ښوونه او روزنه کې يې د ښوونکو مسئولیت مهم یاد کړ.
ښاغلي نایل دغه راز له استادانو وغوښتل چې له دغه ورکشاپ څخه په هېواد کې د علم د پرمختګ لپاره کار وکړي.
تر دې وړاندې هم د تخنيکي او مسلکي زده کړو د مرکزونو يو شمېر استادانو د ظرفيت لوړولو په برنامو کې ګډون کړی دی.
