د تخنیکي او مسلکي زده کړو ادارې کارکوونکو ته تحقیق د روش په اړه روزنیزه برنامه ترسره شوه
تحقیق د روش په اړه یو ورځنی روزنیز پروګرام د ابو ریحان د لوړو زده کړو موسسې په همکارۍ د تخنیکي او مسلکي زده کړو ادارې د بشري سرچینو د پراختیا او ظرفیت لوړونې آمریت لخوا ترسره شو.
په دغه برنامه کې د تخنيکي او مسلکي زده کړو ادارې د بېلابېلو ریاستو ١٢ تنه کارکوونکو ګډون کړى و.
د دغه پروګرام د ترسره کولو څخه یې موخه د تخنیکي او مسلکي زده کړو ادارې د کارکوونکو د څېړنیزو مهارتونو ته وده ورکول وو.
د علمي څېړنو او سروې فارمټ، د څېړنې وسایل او د څېړنې نرم افزار د دغه ښوونیز سیمینار له موضوعاتو څخه وو.
د تخنيکي او مسلکي زده کړو ادارې او د ابو ريحان د لوړو زده کړو موسسه ژمن دي چې په راتلونکي کې به د ښوونيزو برنامو او علمي سيمينارونو د جوړولو لپاره په ګډه کار ته دوام ورکړي.
