د تخنیکي او مسلکي زده کړو ادارې مشر د مالیې وزارت د دولتي شرکتونو له عمومي رئیس سره وکتل
د تخنیکي او مسلکي زده کړو ادارې مشر مولوي غلام حیدر شهامت د مالیې وزارت د دولتي شرکتونو له عمومي رئیس حاجي عبدالحمید اخندزاده سره په خپل کاري دفتر کې وکتل.
په دې کتنه کې د جلغوزيو خصوصي فابریکې مسوولینو بشیر احمد اخندزاده او بلال احمد اخندزاده هم حضور درلود.
د مالیې وزارت د دولتي شرکتونو عمومي رئیس د تخنیکي او مسلکي زده کړو ادارې د وروستیو لاسته راوړنو ستاینه وکړه او له دې ادارې سره یې د همکارۍ ډاډ ورکړ.
د تخنيکي او مسلکي زده کړو ادارې مشر د دولتي شرکتونو د عمومي رئیس له ملاتړ څخه مننه وکړه.
په دې غونډه کې د دولتي شرکتونو حقوقي رئیس ممتاز الدین ممتاز د پرزه جاتو د تولید لپاره د یوه انسټیټوټ د جوړولو وړاندیز وکړ.د تخنيکي او مسلکي زده کړو ادارې مشرتابه د یاد وړاندیز هرکلی وکړ.
